Monday, 6 April 2009

Piedestalë të fshehur mbrapa kioskave



Bardhyl Berberi

Ishim duke shëtitur buzë liqenit para pak ditësh me doktor profesor të shkencave mjeksore i cili është me punë në Tiranë dhe çdo fund jave ai këthehet në Pogradec në qytetin e vendlindjes.Mbrapa një kioske ishin vendosur disa gurë në mënyrë të çrregullt .Po kjo çfar është më pyeti ai .Është piedestali ku do të shkruhet emir juaj dhe i të gjithë atyre që janë shpallur “Qytetrë Nderi “ iu përgjegja unë .Ai u prish në fytyrë .Emri im u përgjegj ai .-Po i them unë a nuk jeni ju “Qytetar Nderi “ i Pogradecit ? Jo u përgjegj doktori i unë vërtet jam njoftuar nga titullari i bashkisë nëpërmjet një mesazhi që isha shpallur “Qytetar Nderi “ i Pogradecit por unë e kam refuzuar këtë titull ..Më pas ai nuk pranoj që të spiegojë arsyet e refuzimit të këtij titulli nderi .
Por padyshim nëse i hedh një sy listës së qytetarve të nderit në këtë qytet do të shohësh plot emra të cilët edhe pse janë miratuar nga Këshillat Bashkiake në këto 18 vitet e fundit do të gjesh emra vërtet të nderuar si Lasgush Poradecit ,Mitrush Kutelit ,Luan Starovës , Esat Oktrovës Niko Nikollës ,Anastas Kostandinit etj por do të gjesh edhe emra arabësh që kanë sjellë ca thaës me miell ,një grupi holandezësh që kanë sjellë një farë patatesh në Mokër ,një gjerman që ka ndarë një makinë me rroba të përdorura në popull madje është paradoksale se emrat e Poradecit apo të Kutelit janë mirtauar pas këtyre të fundit ..Janë këto fakte që e kanë ndjerë të ndihet keq doktorin e mirnjohur i cili ka refuzuar titullin ..
Natyrshëm lind pyetja se pse ndodh kështu ?
Sepse sipas preferencave të tij këtë njerëz të shquar të qytetit propozohen nga njëshi Bashkisë dhe ngrihen kartonat në Këshillin Bashkiak dhe çdo propozim miratohet sikur vendoset ndonjë ndihmë ekonomike për të vobektit .Në këtë qytet zëri intelektualve dhe i njerzëve të shquar smuflohet dhe nuk iu merret mendimi . Këtu nuk ka një masë matëse që të përcaktojë kriteret se pse X do të shpallet qytetar nderi .Pushteti nuk ka oponencë nga asnjë forum intelektualësh apo nga Lidhja e Shkrimtarve të rrethit .Ata nuk e duan racën e njerzëve të shquar të intelektualëve të mirfilltë që mund t`ju japin një mendim të pjekur .Në vend të tyre po shfaqet një specie tjetër ,ajo e nëpunësve shërbëtore që nuk ngrenë probleme që “flasin të matur “që asnjëherë nuk thonë të vërtetën që edhe e mbajnë kollaron me ngjyrën e partisë dhe të shefit të tyre ku ata shërbejnë .Çdo kryetar Bashkie që ka hipur në karrike ka shpallur “Qytetar Nderi “njerzit e tij sipas preferencave të tij pa asnjë kriter dhe pa asnjë njësi matëse .Nuk thuhet se nga kush vjen ky propozim dhe çfar cv ka ky njeri ,çfar ka dhënë ky për qytetin X që t`i akordohet ky titull .Dhe natyrish abuzimi me këtë titull ka bërë që personalitete të nderuara si dr pref Jovan Basho tja u lenë titullin në dorë pushtetarve duke e refuzuar atë pasi ai nuk mund të rrjeshtohen me një takëm tjetër që e kanë marrë këtë titull në mënyrë të pamerituar …Dhe natyrisht ndonse ky pushtet lokal dhe kjo Bashki nuk iu jep titullin personaliteteve të caktuar që e kanë merituar prej vitesh atë ia u ka dhënë populli dhe ky titull vlen shumë më tepër se ai që ta jep një pushtetar .Kështu një nga mjeshtrat e fotografisë shqiptare fitues i çmimit “Ferrari “ në Itali për një cikel fotosh artistike nga Pogradeci ne vitin 1925 apo infermieri i talentuar Laqo Busho të cilit i është kushtuar një filmë artistik .Apo le t`i ilustrojmë këto fakte me një shembull tjetër shumë domethënës .Gjatë luftës së parë botërore në Pogradec është vendosur për dhjetë vjet një ing frances Albert Gariku .Ai u dashurua marrëzisht me Pogradecin dhe ndërtoj një shtëpi të tijën në brg të liqenit dhe i hyri punës për një projekt të qytetit cilin e ka cilësuar “ Pogradeci Venecia e Ballkanit “Albert Gariku projektoj dhe hapi dy rrugët kruesore të qytetit atë buzë liqenit dhe rrugët tjetër paralele që do të zbrisnin me pesë rrugë paralele drejt liqenit dhe qyteti do të ngrihej si mafiteatër në kodrat e qytetit nga godina një katëshe në breg dhe katet do të rriteshin të ndërtesave sipas distancës dhe i gjithë qyteti do të ngrihej si një amfiteatër .Projektoj dy lumenjtë e qytetit të thelloheshin dhe të lidheshin rrëzë kodrave të qytetit Lumi i Madh dhe lumit të Vërdovës dhe të bëheshin të lundrueshëm ,ngritja e një teleferiku në kalanë e qytetit etj etj Por ndonse të gjithë flasin me respekt për ing frances Albert Garikun ky personalitet i cili për dekada punoj për këtë qytet jo vetëm nuk është shpallur “ Qytetar Nderi “por asnjë rrugë apo shkollë nuk mban emrin e tij apo mjeshtri i fotografisë artistike Misto Cici apo Laqo Bushua .Dhe kjo ka një arsye se qyteti është masakruar nga ndërtimet palejë apo me leja të çmendura nga KRTja ku një ndërtesë qëndron në themelet e tjetrës dhe bregu liqenit është pushtuar nga ndërtesa shumë katëshe që i kanë bllokuar pamjen liqenit ..
Çdo vend i qytetëruar i do dhe i respekton intelektualët dhe njerzit e vet të shquar por ata të vërtetët dhe këtë të vërtetët nuk kanë nevojë për piedestale të fshehur mbrapa kisokave ….

Bardhyl Berberi
Fjala e Lire - Free Speech

No comments: